LIC ने लॉन्च केली नवीन ‘स्मार्ट’ पेन्शन योजना, जाणून घ्या फायदे

साक्षर इंडिया लाईव्ह न्युज नेटवर्क 

भविष्यातील आर्थिक समस्या आणि आव्हानांसाठी तयार राहण्यासाठी आर्थिक नियोजन करणे अतिशय आवश्यक आहे. अनेक जण विविध योजनांच्या माध्यमातून भविष्यासाठी गुंतवणुक करतात. तुम्ही देखील उतारवयासाठी गुंतवणूक करण्याचा विचार करत असाल आणि तुम्हाला तुमचे भविष्य सुरक्षित करायचे असेल तर ही बातमी तुमच्यासाठी उपयुक्त ठरू शकते. भारतीय जीवन विमा महामंडळाने (LIC) नवीन आणि प्रगत ‘स्मार्ट’ पेन्शन योजना लाँच केली. ही योजना विशेषतः अशा लोकांसाठी तयार करण्यात आली आहे, ज्यांना त्यांचे भविष्य आर्थिकदृष्ट्या सुरक्षित करायचे आहे. ही योजना आयुष्याचा शेवटचा भाग आर्थिकदृष्ट्या सक्षम करण्याची इच्छा असणाऱ्यांसाठी एक उत्तम संधी आहे.

जास्तीत जास्त लवचिकता आणि सुविधा

एलआयसीच्या या सिंगल प्रीमियम योजनेत वैयक्तिक आणि संयुक्त असे विविध पेन्शन पर्याय उपलब्ध आहेत. आर्थिक स्थिरता आणि दीर्घकालीन सुरक्षिततेच्या दृष्टिकोनातून ही पेन्शन योजना महत्त्वाची मानली जाते. या योजनेचा सर्वात मोठा फायदा म्हणजे पॉलिसीधारकांना अंशतः किंवा पूर्ण पैसे काढण्याची सुविधा दिली जाते. एलआयसीच्या मते, विविध आर्थिक गरजा लक्षात घेऊन योजनेत विविध रोख पर्याय जोडले गेले आहेत. ग्राहकांना जास्तीत जास्त लवचिकता आणि सुविधा प्रदान करणे हे या योजनेचे उद्दिष्ट आहे.

किमान मर्यादा फक्त 1 लाख रुपये

ही पेन्शन योजना निवृत्तीनंतरच्या गरजा पूर्ण करण्यासाठी एक मजबूत आर्थिक पर्याय शोधत असलेल्या कोणत्याही भारतीय नागरिकासाठी उपलब्ध आहे. तुम्हाला या योजनेचा लाभ घ्याचा असेल तर यासाठी किमान 1 लाख रुपयांपासून सुरुवात होते. किमान मर्यादा फक्त 1 लाख रुपये ठेवण्यात आल्याने ही योजना मध्यमवर्गीय लोकांसाठी देखील उपलब्ध झाली आहे.

इतर पेन्शन योजनांपेक्षा ही योजना कशी वेगळी?

ही एक सिंगल प्रीमियम योजना आहे. या योजनेत फक्त एकदाच पैसे भरल्यानंतर तुम्हाला आयुष्यभर पेन्शन मिळत राहील. याशिवाय तुम्हाला वैयक्तिकरित्या आणि संयुक्त अशा दोन्ही पेन्शन पर्याय उपलब्ध आहेत. तसे यात रोख सुविधेचा देखील पर्याय देण्यात आला आहे. त्यामुळे गरज पडल्यास तुम्ही अंशतः किंवा पूर्ण रक्कम काढू शकता. सर्वात महत्त्वाचे म्हणचे किमान गुंतवणुकीसह ही योजने सुरू करता येऊ शकते. तुम्ही फक्त 1 लाख रुपयांपासून ही पॉलिसी घेऊ शकता.

LIC स्मार्ट पेन्शनमधून किती पेन्शन मिळू शकते?

किमान वार्षिकी पेन्शन रक्कम – मासिक – 1000 रुपये

किमान वार्षिकी पेन्शन रक्कम – तिमाही – 3000 रुपये

किमान वार्षिक पेन्शन रक्कम – सहामाही – 6000 रुपये

किमान वार्षिक पेन्शन रक्कम – वार्षिक – 12000 रुपये

कमाल मर्यादा नाही

LIC स्मार्ट पेन्शन योजनेतील नकारात्मक घटक

निश्चित परतावा – बाजारातील वाढ किंवा बोनस वाढीमध्ये कोणताही सहभाग नाही. ही पेन्शन योजना कोणताही निश्चित व्याजदर देत नाही.

लवचिकता नाही – एकदा निवडल्यानंतर अॅन्युइटी पर्याय बदलण्याची लवचिकता नाही.

मॅच्युरिटी बेनिफिट्स नाहीत – कोणतेही मॅच्युरिटी बेनिफिट्स नाहीत. ही योजना फक्त अॅन्युइटी पेमेंट प्रदान करते.

महागाईशी जुळवून घेऊ शकत – पेआउट्स महागाईशी जुळवून घेऊ शकत नाहीत (वाढत्या अॅन्युइटी पर्यायांशिवाय).

अर्ज कसा करावा?

या योजनेत रस असलेले ग्राहक एलआयसीच्या अधिकृत वेबसाइटला किंवा जवळच्या शाखेला भेट देऊन अधिक माहिती मिळवू शकतात. डिजिटल युग लक्षात घेऊन एलआयसीने ऑनलाइन अर्ज करण्याची सुविधा देखीलउपलब्ध करून दिली आहे.