🪀राज्य सरकारच्या 500 सेवा आता व्हॉट्सॲप वर, NPCIचे ग्लोबल हब मुंबईत होणार, मुख्यमंत्री देवेंद्र फडणवीस यांची मोठी घोषणा

🪀 राज्य सरकारच्या 500 सेवा आता व्हॉट्सॲप वर, NPCIचे ग्लोबल हब मुंबईत होणार, मुख्यमंत्री देवेंद्र फडणवीस यांची मोठी घोषणा

साक्षर इंडिया लाईव्ह न्युज नेटवर्क 

▪️ महाराष्ट्र सरकार राज्यात व्हॉट्सॲप गव्हर्नन्स संकल्पना राबविणार असून महाराष्ट्रातील जनतेला 500 सेवा व्हॉट्सॲपच्या माध्यमातून देण्यात येणार आहेत. यासाठी मेटासोबत मोठा करार करण्यात आला आहे. त्याचबरोबर एनपीसीआयचे म्हणजेच NPCI ग्लोबल हब मुंबईत आणण्यात येणार आहे, अशी माहिती मुख्यमंत्री देवेंद्र फडणवीस यांनी मुंबईत पत्रकारांशी बोलताना दिली.

▪️ मुख्यमंत्री देवेंद्र फडणवीस यांच्या उपस्थितीत ‘मुंबई टेकवीक’ कार्यक्रमाचे उद्घाटन करण्यात आले. यावेळी फडणवीस यांच्यासमोर उद्योजकता संग्रहालयावरील एक दृकश्राव्य सादरीकरण दाखवण्यात आले. त्यानंतर मुख्यमंत्री बोलत होते.ते पुढे म्हणाले की, एनपीसीआयचे ग्लोबल हेडक्वार्टर मुंबईत होणार आहे. 

▪️ जगातील सर्वात मोठा पेमेंट गेटवे एनपीसीआय आहे. आम्ही त्यांना कागदपत्रे हँडओव्हर केली आहेत. यासोबतच मुंबईत उद्योजक म्युझियम तयार करण्याचा निर्णय घेतला आहे. इनोव्हेशन सिटीसंदर्भात एक करार टेक असोसिएशन सोबत केला आहे. 60 बिलियन डॉलरचीची उलाढाल होईल. याचा मोठा फायदा आपल्याला होईल, असे ते म्हणाले.