आता इराणचे हाल पाहून चीन मैदानात…!ड्रॅगनच्या डरकाळीने खळबळ!
साक्षर इंडिया लाईव्ह न्यूज नेटवर्क
इराण आणि इस्रायल यांच्यातील युद्ध दिवसेंदिवस वाढतच आहे. इस्रायलकडून केल्या जाणाऱ्या हल्ल्यांना इराण जशास तसे प्रत्युत्तर देत आहे. इराणने अनेक आखाती देशांतील अमेरिकन लष्करी तळांवर हल्ले केले आहेत. त्यामुळे अमेरिकादेखील चांगलाच भडकला आहे. इराणने शस्त्र टाकावेत अन्यथा आम्ही आतापर्यंत कधीही न केलेला हल्ला करू, असा इशाराच अमेरिकेचे राष्ट्राध्यक्ष डोनाल्ड ट्रम्प यांनी दिलेला आहे. असे असतानाच आता चीनने या युद्धाबाबत मोठी भूमिका घेतली आहे. या भूमिकेनंतर आता भविष्यात काय होणार? याचा धसका जगाने घेतला आहे.
चीनची नेमकी भूमिका काय?
चीनने इराण आणि इस्रायल यांच्यातील युद्धावर प्रतिक्रिया दिली आहे. या देशाने चीन, अमेरिका -इस्रायलने युद्ध थांबवावे असे आवाहन केले आहे. “इराणच्या सर्वोच्च नेत्यावर हल्ला करणे, त्या नेत्याची हत्या करणे हे इराणचे सार्वभौमत्त्व आणि सुरक्षेचं उल्लंघन आहे. हे कृत्य संयुक्त राष्ट्राचा उद्देश, सिद्धांत, आंतरराष्ट्रीय संबंधाच्या मूलभूत मानकांचे उल्लंघन आहे,” असे चीनने म्हटले आहे.लष्करी कारवाया लवकरात लवकर थांबवाव्यात अन्यथा…चीन या हल्ल्याचा विरोध करतो. तसेच या हल्ल्याचा आम्ही निषेध करतो. लष्कराकडून केल्या जात असलेल्या कारवाईला तत्काळ थांबवावे. मध्य-पूर्वेतील तणाव कमी व्हावा, शांतता नांदावी यासाठी सर्वांना मिळून प्रयत्न करावे असे आवाहनही आम्ही करतो’ अशी भूमिकाही चीनने घेतली आहे. चीनकडून इराणने काही क्षेपणास्त्र खरेदी केले आहेत, असा दवा केला जात होता. हा दावाही चीनने खोडून काढला आहे. तसा कोणताही व्यवहार झालेला नाही, असे चीनने सांगितले आहे.
भारताला नेमका काय फटका बसणार?
दरम्यान, मध्य पूर्वेतील तणावामुळे एका प्रकारे जगच संकटात सापडले आहे. इंधन, नैसर्गिक वायूच्या किमती वाढण्याची शक्यता व्यक्त केली जात आहे. हे युद्ध जास्त दिवस लांबले तर भारतालाही त्याचा फटका बसू शकतो. कारण भारत संयुक्त अरब अमिराती, सौदी अरेबिया, कुवैत यासारख्या देशांकडून इंधन मोठ्या प्रमाणात खरेदी करतो. हे प्रमाण 80 ते 90 टक्के आहे. असे असताना चीनने इराणवरील हल्ल्याचा निषेध केल्यानंतर नेमकं काय घडणार? हे पाहणे महत्त्वाचे ठरणार आहे.
