मागेल त्याला सौर कृषी पंप योजना: A to Z अर्ज, पेमेंट आणि विक्रेता निवडीची संपूर्ण प्रक्रिया solar pump yojna
साक्षर इंडिया लाईव्ह न्युज नेटवर्क
मागेल त्याला सौर कृषी पंप योजना: A to Z अर्ज, पेमेंट आणि विक्रेता निवडीची संपूर्ण प्रक्रिया solar pump yojna
solar pump yojna: सिंचनासाठी अखंड वीज मिळावी आणि विजेच्या वाढत्या बिलातून मुक्ती मिळावी, यासाठी महाराष्ट्र शासनाची ‘मागेल त्याला सौर कृषी पंप योजना’ (MahaDiscom Suraj MTSKPY) अत्यंत महत्त्वाची ठरत आहे. या योजनेअंतर्गत शेतकरी ३ HP, ५ HP, ७.५ HP क्षमतेचे सौर पंप आपल्या गरजेनुसार शेतात बसवू शकतात.
सौर कृषी पंपासाठी ऑनलाईन अर्ज कसा करायचा, आवश्यक कागदपत्रे कोणती आहेत, लाभार्थी हिस्सा (फक्त ५%) कसा भरायचा आणि त्यानंतर विक्रेता निवड (Vendor Selection) कशी करायची, याची संपूर्ण ‘A ते Z’ माहिती…
१. योजनेची माहिती आणि पात्रता निकष
ही योजना महावितरण कंपनीमार्फत राबवली जाते आणि शेतकऱ्यांवर येणारा मोठा आर्थिक भार कमी करते.
पंप क्षमता: शेतजमिनीच्या क्षेत्रानुसार ३ HP (५ एकरपर्यंत), ५ HP (५ एकरपेक्षा जास्त) आणि ७.५ HP क्षमतेचे पंप दिले जातात. १० HP साठी काही ठिकाणी सुधारित योजना लागू आहे.
लाभार्थी हिस्सा: शेतकऱ्याला एकूण खर्चाच्या केवळ ५% एवढी रक्कम भरावी लागते.
पात्रता:
शेतकऱ्याकडे शाश्वत जलस्रोत (विहीर, बोअरवेल, नदी, नाला) उपलब्ध असावा.
त्या शेतकऱ्याकडे पारंपरिक पद्धतीने विद्युत जोडणी (Electric Connection) झालेली नसावी.
अर्जदाराच्या ७/१२ उताऱ्यावर विहीर/बोअरवेलची नोंद असणे अनिवार्य आहे.
२. ऑनलाईन अर्ज करण्याची प्रक्रिया (Registration & A1 Form)
सौर कृषी पंपासाठी अर्ज करण्याची प्रक्रिया महावितरणच्या अधिकृत पोर्टलवर (mahadiscom.in/solar) उपलब्ध आहे.
वेबसाईटवर जा: महावितरणच्या ‘सौर कृषी पंप योजने’च्या पोर्टलवर जा. (सुरुवातीला भाषा मराठी निवडा).
अर्ज करा (Apply) पर्याय: ‘लाभार्थी सुविधा’ या पर्यायाखालील ‘अर्ज करा’ बटणावर क्लिक करा.
नोंदणी फॉर्म भरा:
योजनेचे नाव आपोआप दिसेल.
जमीन आणि व्यक्तीची माहिती भरा (जिल्हा, तालुका, गाव, गट क्रमांक).
आधार प्रमाणीकरण (Aadhaar Authentication): आधार क्रमांक नमूद करून ‘OTP’ द्वारे प्रमाणीकरण करणे बंधनकारक आहे. तुमचा मोबाईल क्रमांक आधारशी लिंक असणे आवश्यक आहे.
पाणी स्त्रोत (विहीर/बोअरवेल) आणि त्याची खोली (पावसाळ्यात व उन्हाळ्यात) नमूद करा.
आवश्यक पंप क्षमता (उदा. ३ HP, ५ HP) निवडा.
बँक खाते क्रमांक आणि IFSC कोड भरा.
३. आवश्यक कागदपत्रे अपलोड करणे
अर्ज करताना खालील कागदपत्रे PDF स्वरूपात (जास्तीत जास्त ५०० KB) अपलोड करणे आवश्यक आहे:
७/१२ उतारा: उताऱ्यावर विहीर, बोअरवेल, कूपनलिका अशा जलस्रोताची नोंद असणे आवश्यक आहे. (नोंद नसल्यास अर्ज अपात्र ठरू शकतो).
बँक पासबुकची प्रत: खाते क्रमांक व IFSC कोड स्पष्ट दिसावा.
पासपोर्ट आकाराचा फोटो: अर्जदाराचा नवीन पासपोर्ट आकाराचा फोटो.
संमतीपत्र (लागू असल्यास): ७/१२ उताऱ्यावर एकापेक्षा जास्त नावे (संयुक्त खाते) असल्यास, इतर सह-हिस्सेदारांचे ₹२००/- च्या स्टॅम्प पेपरवर ‘ना हरकत प्रमाणपत्र’ (NOC/संमतीपत्र) आवश्यक आहे.
जातीचा दाखला (लागू असल्यास): अनुसूचित जाती/जमाती (SC/ST) प्रवर्गासाठी.
अंतिम तपासणी: सर्व कागदपत्रे अपलोड करून ‘Save and Next’ करा. अर्ज यशस्वीरित्या भरल्यावर तुमचा ‘लाभार्थी आयडी’ (Beneficiary ID) जतन करून ठेवा.
४. पेमेंट आणि विक्रेता निवडीची प्रक्रिया
अर्ज सबमिट झाल्यानंतर, तुमचा अर्ज मंजूर होताच तुम्हाला पुढील प्रक्रिया करावी लागेल.
स्थिती तपासा: ‘अर्जाची सद्यस्थिती तपासा’ या पर्यायात लाभार्थी आयडी टाकून स्थिती तपासा.
पेमेंट पर्याय: अर्ज मंजूर झाल्यावर, तुम्हाला ‘पेमेंट करा’ (Make Payment) करण्याचा पर्याय दिसेल.
तुम्हाला भरायची असलेली ५% रक्कम (उदा. ३ HP साठी GST सह अंदाजे ₹२२,९७१/-) येथे दर्शविली जाईल.
तुम्ही UPI (Google Pay/PhonePe), डेबिट कार्ड, नेट बँकिंग इत्यादी पर्यायांद्वारे ऑनलाईन पेमेंट करू शकता. पेमेंट करताना, एकदाच करा आणि गडबड झाल्यास २४ तास थांबा.
विक्रेता निवड (Vendor Selection):
पेमेंट यशस्वी झाल्यावर, तुमची स्थिती ‘Payment Received’ अशी बदलेल.
त्यानंतर तुम्हाला ‘विक्रेता निवडा’ (Vendor Selection) करण्याचा पर्याय मिळेल.
ज्या कंपनीचा (Vendor) कोटा तुमच्या भागात उपलब्ध असेल, त्याची निवड तुम्हाला OTP आधारित प्रणालीद्वारे करावी लागेल.
विक्रेता निवड झाल्यानंतर, निवडलेला विक्रेता (Supplier) ९० दिवसांच्या आत तुमच्या शेतात सौर पंप बसवण्याचे काम पूर्ण करेल
