मोठी बातमी: जीव वाचवण्यासाठी मारल्या उड्या; जळगावात 11 जणांचा रेल्वे अपघातात दुर्देवी मृत्यू!!
नागरिकांनी अफवांवर विश्वास न ठेवता शांत राहण्याचे आवाहन प्रशासनाने केले आहे.
💥 मोठी बातमी: जीव वाचवण्यासाठी मारल्या उड्या; जळगावात 11 जणांचा रेल्वे अपघातात दुर्देवी मृत्यू!!
साक्षर इंडिया लाईव्ह न्युज नेटवर्क वृत्तसंस्था
💁♂️ जळगावहून मुंबईकडे येत असलेल्या पुष्पक एक्सप्रेसमध्ये आग लागल्याची अफवा पसरल्यानंतर प्रवाशांनी जीव वाचवण्यासाठी गाडीमधून उड्या मारल्या. मात्र, दुर्दैवाने विरुद्ध दिशेने येणाऱ्या बंगळुरू एक्सप्रेसने या प्रवाशांना चिरडलं.
ℹ️ घटनेचा आढावा:
▪️ मृत्यू : आतापर्यंत 11 जणांचा दुर्दैवी मृत्यू
▪️ गंभीर जखमी : 4 जण गंभीर अवस्थेत खासगी रुग्णालयात दाखल
▪️ किरकोळ जखमी : 7 जण किरकोळ जखमी
🤔 घटनेचा तपशील : ही घटना गैरसमजामुळे घडली आहे. आग लागल्याची अफवा ऐकून प्रवाशांनी ट्रेनमधून उड्या मारल्या. त्यावेळी दुसऱ्या बाजूने येणाऱ्या बंगळुरू एक्सप्रेसने त्यांना चिरडलं.
🤝 मदतकार्य : घटनेची माहिती मिळताच तातडीने मदतकार्य सुरू करण्यात आले. जखमींना पाचोऱ्यातील शासकीय रुग्णालयात दाखल करण्यात आले असून गंभीर जखमींवर खासगी रुग्णालयात उपचार सुरू आहेत.
🗣️ प्रशासनाची प्रतिक्रिया : जळगावचे पालकमंत्री गुलाबराव पाटील यांनी केंद्र सरकारला लवकरात लवकर मदत पुरविण्याची विनंती केली आहे.
❓ आता काय? मृतांचा आकडा वाढण्याची शक्यता व्यक्त केली जात असून घटनास्थळी शोध आणि मदतकार्य जोरात सुरू आहे. नागरिकांनी अफवांवर विश्वास न ठेवता शांत राहण्याचे आवाहन प्रशासनाने केले आहे.
