मारसावळी येथे भक्तिरसाचा महासंगम!

साक्षर इंडिया लाईव्ह न्युज नेटवर्क 

श्री गुणेश्वर महादेव प्रतिष्ठानचा ११ वा वर्धापन दिन उत्सव उत्साहात होत असून यात – रामायण कथा, ज्ञानेश्वरी पारायण व कीर्तनात संपूर्ण परिसर दुमदुमला

छत्रपती संभाजीनगर/प्रतिनिधी नारायण बांबर्डे:फुलंब्री तालुक्यातील मारसावळी या आध्यात्मिक परंपरेने नटलेल्या गावात सध्या एका वैश्विक महोत्सवाची उधळण सुरू आहे. श्री गुणेश्वर महादेव प्रतिष्ठानचा ११ वा वर्धापन दिन उत्सव यंदा पूर्वीपेक्षा अधिक भव्य, दिव्य आणि भक्तिमय रंगात साजरा होत आहे. महाराष्ट्राच्या गावोगावातून भाविकांचा सतत ओघ सुरू असून संपूर्ण परिसरात “ॐ नमः शिवाय”चा गगनभेदी नाद घुमत आहे.

“गुणेश्वराचे दिव्य दर्शन… डोळे भरून पाहून मन तृप्त होत आहेत!”
अशी भक्तांची प्रांजळ भावना उत्सवादरम्यान वारंवार ऐकू येत आहे.

उत्सवाचा भव्य प्रारंभ

या सोहळा दि. १९ नोव्हेंबर २०२५ पासून सुरू झालेला असून हा आध्यात्मिक महोत्सव २९ नोव्हेंबर २०२५ पर्यंत सुरू राहणार आहे. सकाळपासून रात्रीपर्यंत सुरू राहणाऱ्या विविध धार्मिक कार्यक्रमांमुळे श्री क्षेत्र मारसावळीला अनोखी ऊर्जा प्राप्त झाली आहे. “ चला मारसावळीशी जाऊ,गुणेश्वराचे दर्शन घेऊ” या भाविक वृत्तीने हजारो भक्तांगण उपस्थिती लावत आहे.

दैनंदिन कार्यक्रम :

सकाळी ४ ते ६ : काकडा भजन – देवाच्या चरणी मन अर्पण करणारी साधना

६ ते ६.३० : आरती – मंदिर परिसरात प्रसन्नतेची सुवर्णलकेर

६.३० ते ८ : महाप्रसादासह नाष्टा

८ ते १० : ज्ञानेश्वरी पारायण – ज्ञानदेवांच्या ओवींचा अमृतानुभव

१२ ते ३ : रामायण कथा – श्रीरामचरित्राचा साक्षात अनुभव

३ ते ५ : श्रीमद् भागवत कथा

५ ते ६ : हरिपाठ – वारकरी संप्रदायाचा प्राण

६.३० ते ८.३० : कीर्तन – भाव, भक्ती आणि भजनांची रसवर्षा

नंतर : महाप्रसाद व जागरण

प्रमुख कीर्तनकारांचा आगळावेगळा मेळावा

  या उत्सवाचे वैशिष्ट्य म्हणजे राज्यातील नामांकित कीर्तनकारांचा सन्माननीय सहभाग:

ह.भ.प. शिवलीला ताई पाटील

ह.भ.प. चैतन्य महाराज वाडेकर

ह.भ.प. ज्ञानेश्वर महाराज तांबे

ह.भ.प. राहुल महाराज पवार

ह.भ.प. विशाल महाराज खोले

ह.भ.प. सोपान महाराज सानप

ह.भ.प. प्रताप महाराज खोटे – ज्ञानेश्वरी पारायण प्रमुख

यांच्या सुरेल, प्रभावी व विचारप्रबोधन करणाऱ्या कीर्तनांनी भाविकांचे हृदय भारावले आहे.

चंपाषष्ठी सोहळा – उत्सवाची शान

दि. २६ नोव्हेंबर २०२५ बुधवार हा उत्सवाचा प्रमुख दिवस.
या दिवशी

श्री गुणेश्वर महाराजांची पालखी मिरवणूकिला

शेकडो भाविकां सहभाग होणार असून

हरिपाठ, महाआरती व

भव्य महाप्रसाद

या साऱ्यांनी वातावरणात आध्यात्मिक उंची निर्माण केली आहे.

रात्री रंगतो जागर – शिव मल्हार गोंधळ पार्टीची उपस्थिती

सातारा येथील प्रसिद्ध शिव मल्हार जागरण गोंधळ पार्टी, छत्रपती संभाजीनगर यांच्या दमदार सादरीकरणामुळे रात्रीचे सत्र अधिकच आकर्षक ठरत आहे. ढोल-ताशांचा थरार, फुगड्या, ओव्या आणि भक्तिवाद्यांच्या सुरात भाविकांचा उत्साह उसळतो आहे.

भाविकांचा मोठा प्रतिसाद – श्रद्धा आणि उत्साहाचा संगम

भाविकांच्या प्रचंड उपस्थितीत ११ वा वर्धापन दिन उत्सव सध्या यशस्वीरीत्या सुरू असून, प्रतिष्ठानतर्फे सर्व भक्तांना आवाहन करण्यात आले आहे की—
“दि. २६ नोव्हेंबर रोजी होणाऱ्या चंपाषष्ठीच्या दिवशी उपस्थित राहून महाप्रसादाचा लाभ घ्यावा.”

या भव्य दिव्य धार्मिक सोहळ्यामुळे
मारसावळी – श्री गुणेश्वर महादेव प्रतिष्ठान परिसरात भक्ती, शांतता, अध्यात्म आणि समृद्धतेचा द्विवार्षिक संगम अनुभवास येत आहे.
पंचक्रोशीतील नागरिकांमध्ये उत्साहाची लाट असून प्रतिष्ठानच्या या परंपरेचे सर्वत्र कौतुक होत आहे.आपणही या सोहळ्याला नक्कीच भेट द्याल.